«Գեղեցիկ քաղաք է». Իչայի, Չակորի, Տապասյայի, Ռաթորի եւ հնդիկ մյուս դերասանների զբոսանքը Երեւանում

 

Տապասյա, Իչա, Ռաթոր, Սուրաջ, Չակոր՝ երեկ Հյուսիսային պողոտան վերածվել էր բոլիվուդյան սերիալի նկարահանման հրապարակի: Շուրջ 3 տարի Տապասյա-Իչա հակամարտությանը էկրաններից հետեւող հայ հեռուստադիտողը, նրանց փողոցում տեսնելով, զարմացած էր՝ Ռաշմին ու Թինան իրականում միասին սելֆի են անում հերիք չէ, նաեւ ջերմորեն գրկախառնվում են:):

Դերասաններ Ռաշմի Դեսայը, Թինա Դաթան,Սպանդան Չատուրվեդին, Գաուրավ Չոպրան եւ Մրունալ Ջեյնն առաջին անգամ են Երեւանում, եկել են հնդկահայկական համերգին մասնակցելու:

Եթե քաղաքի կենտրոնում սովորական զբոսանքը կարող է կես ժամ տեւել, ապա հնդիկ աստղերի հետ այն երկարաձգվեց. ամեն քայլափոխի նրանց կանգնեցնում էին երկրպագուները՝ լուսանկարվում, ապա հիացմունքի խոսքեր հղում, ոմանք` նույնիսկ հայերեն:): Ռուզան տատիկն ու իր քույրը Թինա Դաթային պատմում էին, թե ինչպես են արդեն քանի տարի դիտում այն սերիալը, որում նա նկարահանվում է: Հիասթափվեցին, երբ տեսան, որ Թինան հայերեն չի հասկանում, ու դիմեցին Վարդան Սարգսյանի օգնությանը, որ թարգմանի՝ իրենք Իչային շատ են սիրում:):

Իչայի դերակատար Թինա Դաթան էլ իր հերթին էր հիացած հայ երկրպագուների այդչափ ջերմ վերաբերմունքից: BRAVO.am-ի հետ զրույցում հույս հայտնեց, որ էլի կայցելի Հայաստան.«Առաջին անգամ եմ այստեղ ու իսկապես զարմացած եմ: Դեռ միայն Երեւանն եմ տեսել, կարող եմ ասել, որ շատ գեղեցիկ քաղաք է, մարդիկ շատ լավն են, հյուրընկալ: Հայաստանի մասին մինչ այս շատ բան չգիտեի, բայց հիմա տեսնում եմ, թե ինչքան երկրպագուներ ունեմ այստեղ»,- ասում է Թինան ու չի հասցնում միտքն ավարտել. երկրպագուները սելֆիների սպասումով կրկին շրջապատում են:

Մրունալ Ջեյնը եւս զարմացած էր երկրպագուների ջերմ վերաբերմունքից: Գիտեր, որ իրենց սիրում են, բայց որ այսքան՝ չէր մտածում.«Մարդիկ շատ ջերմ են, շատ գեղեցիկ է ձեր Երեւանը, կցանկանամ նորից այցելել: Գիտեի, որ հայերը հնդկական սերիալներ շատ են սիրում, գիտեի նաեւ, որ ինձ էլ են շատ սիրում, ու շնորհակալ եմ դրա համար»:

Երկրպագուների վերաբերմունքից բացի, դերասաններին եւս մեկ բան զարմացրեց` ցայտաղբյուրները.«Հրաշալի է, մաքուր ջուր քարից ու հենց փողոցում»,-ասում էին նրանք:

Զբոսանքից հետո դերասանները շտապեցին Մարզահամերգային համալիր՝ փորձի: Հուսով են, որ հանդիսատեսը դրական լիցքերով տուն կվերադառնա. չէ՞ որ սերիալային կերպարներն ու իրականությունը տարբեր բաներ են:

Տեքստը՝ Մարիամ Խաչատրյանի/Bravo.am/
Լուսանկարները՝ Մարիաննա Պետրոսյանի/Bravo.am/

https://bravo.am/news/_%D4%B3%D5%A5%D5%B2%D5%A5%D6%81%D5%AB%D5%AF_%D6%84%D5%A1%D5%B2%D5%A1%D6%84_%D5%A7___%D4%BB%D5%B9%D5%A1%D5%B5%D5%AB__%D5%89%D5%A1%D5%AF%D5%B8%D6%80%D5%AB__%D5%8F%D5%A1%D5%BA%D5%A1%D5%BD%D5%B5%D5%A1%D5%B5%D5%AB__%D5%8C%D5%A1%D5%A9%D5%B8%D6%80%D5%AB_%D5%A5%D6%82_%D5%B0%D5%B6%D5%A4%D5%AB%D5%AF_%D5%B4%D5%B5%D5%B8%D6%82%D5%BD_%D5%A4%D5%A5%D6%80%D5%A1%D5%BD%D5%A1%D5%B6%D5%B6%D5%A5%D6%80%D5%AB_%D5%A6%D5%A2%D5%B8%D5%BD%D5%A1%D5%B6%D6%84%D5%A8_%D4%B5%D6%80%D5%A5%D6%82%D5%A1%D5%B6%D5%B8%D6%82%D5%B4_41009

Be the first to comment on "«Գեղեցիկ քաղաք է». Իչայի, Չակորի, Տապասյայի, Ռաթորի եւ հնդիկ մյուս դերասանների զբոսանքը Երեւանում"

Leave a comment

Your email address will not be published.


*


ԴԻՏԵԼ